Een Taal vir

Lynthia Julius

 

Ek staan in Niemandsland

te patrioties om weg te stap

die taal van my ma een kant gaan beveg

try bom, gekwes

die een van akademiese boeke gaan voor veg

 

nog ’n bietjie Kaaps hier

nog ’n bietjie Noord-Kaaps hier

nog ’n bietjie herinner dis ’n variant,

nie standaard nie

nog ’n bietjie

‘Waar het jy so mooi Afrikaans leer praat?’

 

My mense se tong soos ’n vuil kombers opgepak

weg loop steek

aanvaar dis kitsch

die mond van ’n haai

platvloers

 

gemeet en meet teen ’n Standaard

wat ek nie in geslaag het nie

begin woorde gebruik

wat ek nie met die pram ingegee het nie

 

ek bly in Niemandsland

verwaarloos in my brein spoel van variant

 

my mense sê my tong

is ’n draadsitter